Mbrojtja e Barcelonës është shumë larg nga ajo që ka qenë, me mbrojtësit kryesorë që nuk duken stabil dhe zëvendësimet që nuk po e kryejnë punë si duhet.Nuk ka më një vijë të fundit që duket si një mur i padepërtueshëm për Barcelonën kurse ata tani janë skuadra që kanë pësuar më së shumti gola në top 8’ën e La Ligas. Ata kanë pësuar 11 gola dhe kanë vetëm dy ndeshje pa pësuar gol.Asnjë nga mbrojtësit nuk janë pa faj, pasi që kjo gjë është shkaktuar për shkak të filozofisë frustruese të Valverdes për të qenë solid në mbrojtje. Në fakt vetëm Ter Stegen e ka bërë punën që është pritur prej tij.
Gabimet e Gerard Piques janë dokumentuar shumë mirë dhe ai i ka pranuar ato indirekt ashtu sikurse Jordi Alba.Lenglet, Vermaelen, Semedo dhe Umtiti të gjithë janë larg formës së tyre më të mirë derisa Valverde ka bërë ndryshime në të cilën ai nuk ka gjetur një formulë për fitore.
Semedo ka luajtur pesë nga tetë ndeshjet e LaLigas Santander, ku Valverde i ka dhënë kohë të mjaftueshme që të tregojë vetveten, derisa ai preferon të luaj me Sergio Roberton në mesfushë por që nuk po funksionon. Në fakt ai ka bërë disa gabime të mëdha për shkak të mungesës së koncentrimit disa herë. Kur ai shkon në sulm ai nuk është i kujdesshëm për të bllokuar kundërsulmet në krahun e tij, e cila gjë u pa edhe në ndeshjen kundër Tottenham.
Sergi Roberto është një lojtar vital për momentin për Barcelonën dhe lëndimi i tij që e mori kundër Athletic, ka shkaktuar kokëdhimbje për trajnerin. Problemi i tij me mbrojtës të krahut ka penguar planin e Valverdes për mesfushën.
Pique ka qenë përgjegjës për disa gabime të profilit të lartë dhe nuk është duke luajtur në nivele që e bënin atë si njërin prej mbrojtësve më të mirë në botë. Ai shpesh është jashtë pozitës së tij, markon gabimisht dhe ka mungesë të përgjithshme koncentrimi. Ai bëri gabime kundër Gironas, Leganes, Tottenhamit, Athleticos dhe Valencias dhe si një lider në mbrojtje, problemet e tij janë probleme të mëdha të Barcelonës.
Në përgjithësi, Umtiti impresionoi sezonin e kaluar, ai nuk e përfundoi shumë mirë sezonin dhe këtë formë të keqe e barti edhe në këtë sezon. Çfarë është shumë shqetësuese për Barcelonën, megjithatë është lëndimi i tij dhe gjatësia e tij e cila nuk është e qartë. Ai u lëndua në gju që është parë si një mungesë për në ndeshjet e fundit dhe ka thashetheme që ai duhet ti nënshtrohet operacionit.Kontributi i Lenglet deri me tani është shumë jo konsistent në pesë nga tetë ndeshjet për Barcelonën që ka luajtur.Ai startoi në ndeshjen me Gironan dhe u ndëshkua me të kuq pasi që goditi me bërryl Pere Ponsin pas 34 minutave. Deri me tani Lenglet nuk e ka treguar nivelin që ai pati në Sevilla dhe ende nuk është integruar në skuadër.
Vermaelen, kontrata e të cilit përfundon në qershor, i janë dhënë më së paku nga të gjithë mundësia dhe është involvuar vetëm në dy ndeshje: kundër Leganes ku ai luajti në krahun e majtë dhe pastaj kundër Valencias ku luajti në rolin e qendërmbrojtësit. Valverde u përpoq ta shihte si një alternativë për Alban e cila nuk shkojë mirë.
Nuk kemi një opsion të qartë për Alban në skuadrën e parë me mundësi që andej të paraqitet më shumë Miranda në të ardhmen. Valverde dëshiron të këtë dy lojtarë për secilën pozitë por ai ka përjashtuar Vermaelen dhe është i shqetësuar nëse Alba ishte lënduar, përgatiti ”GazetaExpress”. (b.an)
