A keni menduar ndonjëherë se parandalimi i sëmundjeve të zemrës është në dorën tuaj? Ushqimet dhe lëngjet e konsumuara nxisin rrezikun e sëmundjeve të zemrës.Nëse tregoheni të kujdesshëm dhe konsumoni ushqimet e mëposhtme do ta minimizoni rrezikun e sëmundjeve të zemrës, transmeton “Zeri.info”.
Hani perime
Dy nga studimet më të mira kanë treguar se si ndikon ushqyerja dhe stili i jetesës në sëmundjet kronike.
Personat të cilët konsumojë 8 ose më shumë porcione me perime në ditë rrezikohen më pak nga infarkti se ata që nuk i konsumojnë. Për këtë arsye duhet t’i konsumoni të paktën 5 porcione me fruta dhe me perime në ditë.
Çaji
Nuk ka rëndësi çaj i gjelbër apo i zi, të gjitha llojet e çajit ndihmojnë në uljen e nivelit të kolesterolit dhe të triglicerideve, ekuilibrojnë sheqerin dhe përmirësojnë infeksionet.
Mishi
Heqja dorë nga produktet e mishit do të ishte një ndryshim rrënjësor, por i vështirë. Të paktën qëndroni larg nga produktet e përpunuara si sallami, salsiçet apo suxhuku, përcjell “Zeri.info”.
Studiues nga universiteti i Harvardit pohojnë se konsumimi i 50 gramëve produkte të përpunuara mishi në javë rrit me 42% rrezikun e sëmundjeve të zemrës.
Krahas kësaj, mundohuni të konsumoni mish të freskët pa hormone, antibiotikë apo lëndë të tjera shtesë. E rëndësishme është që mishi i kafshës që konsumoni të jetë mish i një kafshe që është ushqyer në lëndina.
Peshku
Peshqit si sardelet, salmoni apo levreku janë miq të zemrës sepse janë të pasur me acidet yndyrore Omega-3. Acidet yndyrore minimizojnë infeksionin, çrregullimet e ritmit të zemrës dhe nivelin e triglicerideve. Krahas kësaj, në këta lloj peshqish ka më pak toksina, përgatiti ”ZËRI”. (b.an)
