Sipas Shoqatës Amerikane të Zemrës, faktorët kryesor që ju vënë në rrezik të një sulmi të zemrës janë:Mosha – Sa më të vjetër, aq më i madh është rreziku për një pësuar sulm në zemër. Më shumë se 80% e njerëzve që vdesin nga sëmundjet e zemrës janë mbi 65 vjeç.
Të qenit mashkull – Meshkujt janë më të rrezikuar sesa gratë nga sulmi në zemër. Edhe pas menopauzës, kur norma e vdekjes së grave nga sëmundjet e zemrës rritet, nuk është aq e madhe sa tek burrat, përcjell Sovrani.info.
Historia familjare – Nëse keni një të afërm të ngushtë, prind ose vëlla, i cili ka pasur probleme të zemrës para kohe – para 55 vjeç për meshkujt dhe 65 për femrat – shanset për t’a pësuar është më e lehtë.
Cigarja – Nëse nuk keni gjetur ndonjë arsye për të lënë duhanin akoma, lexoni këtë: Rreziku i sulmit në zemër është dy deri katër herë më i lartë nëse pini cigare.
Kolesteroli i lartë – Rreth 34 milionë amerikanë sot kanë nivel të lartë të kolesterolit që mund të çojnë në sulm të zemrës.
Presioni i lartë i gjakut – Rreth një në tre të rritur në Amerikë ka tension të lartë, gjë që e bën zemrën të punojë më shumë për të pompuar gjakun. Hipertensioni rrit rrezikun e sulmit në zemër.
Jeta joaktive – Jeta joaktive është një faktor i madh rreziku për sëmundjen e zemrës.
Pesha e tepërt – Njerëzit që kanë yndyrë të tepërt, sidomos në pjesën e barkut, kanë më shumë gjasa të preken nga sulmet e zemrës.
Sëmundja e sheqerit – Nëse keni diabet të tipit 2, rreziku juaj për sulm në zemër rritet. (b.an)
