Ka pasur disa reagime ndaj spekulimeve nga një zyrtar i lartë i NATO-s se Ukrainës mund t’i duhet t’i dorëzojë një pjesë të territorit të saj Rusisë në këmbim të anëtarësimit në aleancë.
Mykhailo Podolyak, këshilltari i zëshëm i Presidentit Zelenskyy, i ka dhënë një përgjigje të zemëruar idesë në X (i njohur më parë si Twitter), duke e hedhur poshtë atë si “qesharake”.
“Kjo do të thotë të zgjedhësh qëllimisht humbjen e demokracisë, të inkurajosh një kriminel global, të ruash regjimin rus, të shkatërrosh ligjin ndërkombëtar dhe t’ua kalosh luftën brezave të tjerë,” shkroi ai.
“Natyrisht, nëse Putini nuk pëson një disfatë dërrmuese, regjimi politik në Rusi nuk ndryshon dhe kriminelët e luftës nuk ndëshkohen, lufta do të kthehet patjetër me oreksin e Rusisë për më shumë.
Përpjekjet për të ruajtur rendin botëror dhe për të vendosur një ‘paqe të keqe’ përmes, le të jemi të sinqertë, triumfi i Putinit nuk do të sjellë paqe në botë, por do të sjellë çnderim dhe luftë”./m.j
