‘Këshilltar gjerman për policinë’, Xhafaj-gazetarëve: Do merrni lajme interesante!

TIRANË- Ministri i Brendshëm Fatmir Xhafaj ka pritur në një takim Drejtorin e Policisë gjermane Dieter Romann, i cili ndodhet për një vizitë dyditore në Tiranë

Xhafaj tha se shumë shpejt do të ketë në strukturat e policisë shqiptare një këshilltar nga Gjermania.

“Shumë shpejt do të vendoset në Shqipëri një këshilltar gjerman për cështjet strategjike policore i cili do të bëjë të mundur koordinimin e të gjithë asistencës ligjore e teknike në terma afatgjatë. Jam i surprizuar për përgjigjen e shpejtë të palës gjermane për kerkesën time. Do vijë një nga bashkëpunëtorët më të afërt të zotit Romann. Shkëmbime intensive policore mes dy vendeve. Forcim masash për kufijte e vendeve tona. Falenderoj Gjermaninë për paketën e ndihmave për policinë kufitare. Gjermania ka dhuruar 20 mjetë për policinë kufitare. Ne nuk jemi Gjermania, duhet punë të arrijme standardet e saj, por ne jemi të vendosur të punojmë për të reflektuar këto standarde në punën tonë. Gjermania është partner strategjik në fushën e sigurisë. Do bëjmë gjithçka për thellimin e bashkëpunimit”, deklaroi Xhafaj

Përpara gazetarëve tha se këta të fundit duhe të rrinë afër me drejtorët e komunikimin në minsitri dhe në polici, pasi do të marrin lajme interesante.

“Besoj se do kemi një ditë të ngjeshur me kolegun gjerman, se do kemi aktivitete të tjera. Dhe t’u  jap një këshillë, gjatë këtyre ditëve dhe javëve, rrini afër me Bitën dhe Gentin se do ketë lajme interesante. Se kur bashkëpunohet ka dhe gjëra të mira. Të tjerat dalëngadalë”, tha Xhafaj në fund të konferencës.

Të dy zyrtarët e lartë u angazhuan për thellimin e bashkëpunimit në fusha të interesit të përbashkët.

“Që prej 2013 në Shqipëri ndodhet një oficer gjerman ndërlidhës, por pas pak kohësh do të angazhojmë një ekspert tjetër të lartë që do ndihmojë në thellimin e bashkëpunimit. Shqipëria nuk është Gjermania por as Gjermania nuk është Shqipëria, por nëse ne bëhemi bashkë arrijmë rezultate të mira”, tha Dieter Romman

Javanews/a.ç