Kryeministri Edi Rama deklaroi mbrëmë në Ora News se nuk do të jetë i pranishëm nesër në mbledhjen e Këshillit të Sigurimit Kombëtar ku do të diskutohet kërkesa e Ilir Metës për moszbatimin, sipas tij, te ligjit nga ana e institucioneve për arrestimin e Klement Balilit. Përpara se të bënte këtë deklaratë, Sekretari i Përgjithshëm i kryeministrisë, Ëngjëll Agaçi i kishte dërguar një letër homologut të tij në Presidencë, Ols Lafe ku e njoftonte për mungesën e Ramës. Në të njëjtën kohë Agaçi kërkonte miratimin paraprak nga ana e kreut të shtetit që Rama të zëvendësohej në këtë mbledhje nga zv.kryeministri Niko Peleshi. Por sot në mëngjes, Presidenti Nishani e ka refuzuar zëvendësimin e Ramës me Peleshin. Në letrën që presidenca i ka derguar kryeministrise thuhet se “nuk është paraqitur asnjë arsye objektive për zëvendësimin e Ramës”.
Letra e sekretarit te pergjithshem te Presidences per sekretarin e pergjithshem te Kryeministrise
“Në vlerësimin e Presidentit, prania e Kryeministrit, këshillimi me Të, dhënia e mendimeve si dhe fakti që kjo mbledhje kërkohet nga Kryetari i Kuvendit, zoti Ilir Meta, çmohen të nevojshme”, thuhet në letrën që Presidenca i ka derguar Kryeministrise.
ma.me
