Gafa e nënkryetarit të LSI-së Petrit Vasili gjatë një deklarate për media lidhur me Këshillin Politik, nuk i ka shpëtuar pa komentuar gazetarit Mero Baze.
Me doza të forta ironie, botuesi i gazetës “TemA” ka shkruar në rrjetin social Facebook se Vasili nuk ka kryer asnjë gabim në deklaratën e tij duke argumentuar se:
“Asgjë gabim s’ka bërë Tit Vasili. Këshilli politik realisht është një organ seksual i sajuar, për t’u dukur që dhe opozita mund të bëjë diçka, pas tredhjes nga Berisha dhe Meta”, ironizon Mero Baze.
Më herët, përfaqësuesin e LSI-së në Këshillin Politik, e kanë tradhtuar mendimet duke ngatërruar fjalët teksa fliste për mediat pas bojkotit të Këshillit Politik.
Në vend që të thoshte ‘organizëm konsensual’, ai ka thënë organizëm seksual’ ku i janë dashur disa çaste për të gjetur fjalën e duhur për sa i përket konsensusit të arritur nga partitë politike për sa i përket ndryshimeve në Kodin Zgjedhor.
“Organizëm seksual… kështu…organizëm konsensual. Ky është thelbi për të mos u zhytur edhe më thellë në krizë. Nuk ndryshon fatet, por do i ruante vendit një tensionim social dhe të panevojshëm.” tha Vasili.
/a.r
