Këshilli i Lartë Gjyqësor, zhvilloi sot mbledhjen e radhës e cila nisi me miratimin e rregullave për zgjedhjen e zëvendëskryetarëve të Gjykatave. Me miratimin e këtyre rregullave dhe vijimin e procesit të zgjedhjes së zëvendëskryetarëve në gjykata, merr zgjidhje njëkohësisht edhe situata që krijohet pas shkarkimit nga detyra të disa kryetarëve në gjykata me vendim të Komisionit të Pavarur të Kualifikimit. Kjo për shkak se, bazuar në dispozitat ligjore në fuqi, në mungesë të Kryetarit të Gjykatës, kompetencat e tij i ushtron zëvendëskryetari.
Në vijim të mbledhjes, Këshilli vendosi transferimin e përkohshëm të gjyqtarit të Rrethit Gjyqësor Shkodër, z. Besmir Stroka, për të ushtruar përkohësisht detyrën e gjyqtarit të Rrethit Gjyqësor Pukë. Gjithashtu, Këshilli vendosi të kërkoi informacion mbi ish inspektoratit të Këshillit të Lartë të Drejtësisë, mbi situatën dhe problematikat në vijim të punës së tyre./a.meta
