Në mbledhjen e sotme të Këshillit Bashkiak, kryebashkiaku Erion Veliaj kishte propozuar vendosjen e bustit të Pjetër Arbnorit me kërkesë të Kuvendit të Shqipërisë, në mjediset e lulishtes para sallës ku zhvillohen seancat plenare.
Por, anëtarët e këshillit Bashkiak të PD u larguan nga salla e Këshillit Bashkiak, duke bojkotuar vendimin për vlerësimin e kësaj figure të rëndësishme për Partinë Demokratike dhe demokratët e vjetër.
Këshilltarët e PD i kërkuan kreut të Këshillit, Aldrin Dalipi që të respektohet vendimi i Gjykatës Administrative e cila e ka shpallur të pavlefshëm betimin e 6 këshilltarëve të PS-së.
Që në janar të 1990, Pjetër Arbnori mori pjesë në Shkodër në demostratën kundër pushtetit komunist që rrëzoi bustin e Stalinit. Po në të njëjtin vit ai ishte bashkëthemelues i degës së Partisë Demokratike në Shkodër. Prej vitit 1991 deri më 2001 ishte deputet në Kuvendin e Shqipërisë, dhe prej vitit 1992 deri më vitin 1997 ishte Kryetar i Kuvendit./a.m.
