Kontrolli i Lartë i Shtetit ka kryer një auditimin pranë Korporatës Elektro Energjetike Shqiptarë për periudhën 1 Prill 2017 deri më 31 Dhjetor 2017.Auditim i cili ka përfunduar në Janar të vitit 2018 ka nxjerr një seri rekomandimesh të cilat përfshijnë jo vetëm korporatën por edhe institucionet e tjera të zinxhirit si OST,OSHEE dhe Entin Rregullator të energjisë.
Një ndër pikat ku KLSH vë theksin është ajo për dëmin ekonomik nga procedurat e shitblerjes së energjisë ku rezulton se kompania e gjenerimit ka shitur energji tek furnizuesit e tregut te cilët më pas e kanë shitur këtë energji tek OSHEE me një çmim më te larte duke i krijuar një humbje buxhetit të shtetit. Për të zgjidhur këtë ngërç mes dy kompanive private KLSH ka rekomanduar: Nga Administratori i Shoqërisë të prezantohet në organet drejtuese vlera 2,8 mln euro, që përfaqëson diferencën midis çmimit të shitjes së energjisë në vlerat 11.11 deri në 61.14 euro nga “KESH” SHA tek operatorët privatë tё tregut tё energjisë (E, G, A, dhe G) dhe çmimit të blerjes së energjisë në vlerën 56.6 deri në 95.5 euro nga “OSHEE” SHA, pra këta operator energjinë e kanë blerë nga shteti shqiptar (Shoqëria “KESH” SHA dhe përsëri ja kanë shitur shtetit (Shoqërisë “OSHEE”) me çmim shumë herë më të lartë duke i krijuar një humbje të drejtpërdrejtë buxhetit të shtetit dhe në fund të fundit një detyrim financiar që e paguan konsumatori fundor shqiptar, vlerë e cila përbën dëmi ekonomik pa mundësi arkëtimi për Shoqërinë KESH SHA dhe për Buxhetin e Shtetit.
KESH bleu në 2017 në tregun e parregulluar 23.9 mln euro dhe shiti po në këtë treg 8.3 mln euro.
ma.me
