Gjykata e Lartë ka vendosur mospranimin e kërkesës së ish-deputetit demokrat, Ervin Salianji për pezullim të ekzekutimit të dënimit të tij me 1 vit burg. Gazetarja e Klan News, Glidona Daci raporton se vendimi është marrë nga trupa gjykuese që kryesohet nga Sokol Binaj dhe antarë, Ilir Panda dhe Sandër Simoni.
Kujtojmë se Salianji ndodhet në burgun e Fierit prej datës 27 Shtator 2024. Ish-deputeti demokrat akuzohet për “kallëzim të rremë publik” në lidhje me çështjen “Babale” pasi Gjykata e Apelit la në fuqi vendimin e Shkallës së Parë për dënimin e Salianjit me 1 vit burg.
Arrestimi i tij u pasua me një sërë reagimesh politike të krahut të djathtë, të cilët e cilësuan vendimmarrje politike. Opozita nisi me mosbindjen civile që në seancën plenare e kulmoi me protestën e 7 Tetorit.
/a.r
Aty të rrijë se është mirë dhe tërheq të këmbën zvarrë.