Policia ka arrestuar një 35-vjeçar shqiptar, pasi ishte dënuar nga autoritetet italianë dhe kishte për të shlyer edhe 1 vit e 10 muaj burg, pasi në vitin 2008, kur u zbulua një rafineri droge në Bergamo u sekuestruan 30 kg heroinë. 35-vjeçari shqiptar, identiteti i të cilit nuk bëhet i ditur, u kap në një makinë tip “Volgswagen” me 3 mijë euro, celular dhe një palë çelësa.
Mediat italianë shkruajnë se çelësat që 35-vjeçarit iu gjetën, hapën dyert e një vile në rrugën “Treviso” të Rubano-s, ku u gjetën 161.500 euro. Në banesën që ishte në pronësi të shtetasve italianë, përveç parave nuk u gjet asnjë gjurmë droge. Hetuesit besojnë se shqiptari nuk merrej më direktë me shitjen e drogës. Ai ishte prej disa ditësh në Padova në rolin e “koleksionistit”. 35-vjeçari është dërguar në burg dhe akuzohet për pranim të mallrave të vjedhura.
ma.me
