Një person i shpallur në kërkim ndërkombëtar, është arrestuar në Tiranë, me qëllim ekstradimi drejt Mbretërisë së Bashkuar.
Gjatë pasdites së kësaj të mërkure, pas informacioneve të marra në rrugë operative, efektivët e policisë Tiranë, bën arrestimin me qëllim ekstradimi drejt Mbretërisë së Bashkuar, të E. T., 22 vjeç, banues në Tiranë.
I riu ishte i shpallur në kërkim ndërkombëtar nga autoritetet Britanike, pasi Gjykata e Magjistratëve, në Westminster, në dhjetor të vitit 2018, ka lëshuar urdhër-arresti, për veprën penale “Komplot për shitjen e narkotikëve” parashikuar nga Legjislacioni Penal Britanik.
Ndaj të dyshuarit në pritje të ekstradimit, materialet iu referuan Prokurorisë së Tiranës, për veprime të mëtejshme.
/a.r
