Byroja e Kuvendit ka rrëzuar kërkesën e Partisë Demokratike, e cila kërkoi përjashtimin me 10 ditë nga punimet e Parlamentit për deputetin socialist Pjerin Ndreu.
Kreu i Byrosë, Gramoz Ruçi deklaroi se këtë kërkesë nuk mund ta shqyrtojë kjo mbledhje pasi nuk ka kompetencë për rastet kur deputetët “shahen nëpër komisione”.
Në kërkesën e saj, PD argumentoi se deputeti Pjerin Ndreu fyeu dhe kërcënoi deputetin Ervin Salianji.
Ngjarja mes dy deputetëve ndodhi në komisionin e sigurisë disa ditë më parë, ku Ndreu i tha deputetit te PD-së, Ervin Salianji, “ti do rrahur”.
***
Partia Demokratike i ka kërkuar Byrosë së Kuvendit që të përjashtojë nga punimet e Parlamentit për 10 ditë deputeti e PS Pjerin Ndreu.
Në kërkesën e saj, PD argumenton se deputeti Ndreu ka fyer dhe ka kërcënuar deputetin demokrat Ervin Salianji.
Mes dy deputetëve ka patur debate në Komisionin e Sigurisë, por Ndreu deklaroi se nuk e ka kërcënuar Salianjin.
JA DEBATI NE KOMISION
Salianji pyet Xhaçkën: A ju duhet me shume buxhet për të kontrolluar ish repartet ushtarake që përdoren për magazinë droge? A ju duhet më shumë buxhet për të vendosur në funksion radarët….
Sterkaj: Je bilbil mali. Se vetëm për të folur ke ardhur.
Pjerin Ndreu (pa mikrofon): Mos i provoko të gjithë se do hash dajak. Ti do rrahur.
Sterkaj-Salianjit: Unë bëj mundje, boks edhe karate. Mos më bëj mua presion.
Pjerin Ndreu: Rri more urtë se je bërë provokator i keq, rri more urtë nuk e shikon çfarë është bërë në të kaluarën.
Salianji: Nuk pyes dhe skam frike nga asnjë bandit me ose pa pushtet.
a.ç
