Avokatët e Sali Berishë, Sokol Mëngjesi dhe Genc Gjokutaj janë paraqitur sot në seancën e radhës në GJKKO, ku do të jepet masa për ish-kryeministrin.
Pak para nisjes së seancës, Mëngjesi deklaroi për mediat se kërkesën për përjashtimin nga çështja të gjyqtares Irena Gjoka e kishin paraqitur me postë, sipas procedurave ligjore. Ndërkohë, dje GJKKO tha se nuk është dorëzuar asnjë kërkesë.
“E kemi dërguar kërkesën për përjashtimin e gjyqtares në formë që parashikon ligji. Tani erdha për të tërhequr vendimin. Sapo mora vendimin e parë të rudina palloit për refuzimin e përjashtimit. Tani njoftova sekretarinë për kërkesën që kemi nisur me postë. Por pres marrjen e provave mënyrën si është shortuar Palloi për të marrë vendimin dhe mendimin e gjyqtares Gjoka për kërkesën”, tha ai.
/f.s
