Avokati i Ervis Martinajt, të cilit OFL-ja i kërkoi të justifikojë pasurinë është shprehur se kërkesa e policisë është ‘nul’. Në një prononcim për mediat, Martini tha se klienti i tij s’është i dënuar as jashtë dhe as brenda vendit. Rrjedhimisht, sipas avokatit Martini, Ervis Martinaj nuk mund të jetë subjekt i këtij ligji, pasi nuk ka dënim.
“Kërkesa e policisë është ‘nul’. Ervis Martinaj nuk është subjekt i aktit normativ nr.1 të Kryeministrit, datë 31 janar te vitit 2020, pasi ai nuk është i denuar dhe as në hetim për asnjë nga veprat penale të parashkuara në nenin 5 të këtij Akti. Bazuar në vendimet gjyqësore që kanë shqyrtuar kërkesat e prokurorisë, rezulton se në veprimet e tij, nuk as dyshime se ai ka kryer veprën penale të vrasjes e aq më pak këtë vepër ta ketë kryer me paramendim”, mësohet të ketë thënë Martini për report tv.
Operacioni Forca e Ligjit ka zbarkuar sot në qytetin e Kurbinit ku i është dërguar formulari për deklarimin e burimit të pasurisë Ervis Martinajt. Ervis Martinaj, është aktualisht nën hetim për ngjarjen e ndodhur në zonën e ish-bllokut në 4 tetor 2018, ku mbeti i vdekur në vend Fabian Gaxha, dhe u plagos vetë bashkë me mikun e tij, Eljo Hato.
g.kosovari
