Gjykata e Colmarit në Francë nuk dha një vendim përfundimtar në lidhje me kërkesën e Serbisë për ekstradimin e kreut të AAK-së ramush haradinaj.
Në seancën e zhvilluar sot në këtë gjykatë, u zhvillua senca e radhës për shqyrtimin e kërkesës, por nuk u dha një vendim.
Pritet që gjykata të japë verdiktin e saj në datën 2 Mars, kur edhe u shty seanca e radhës. Avokatët mbrojtës deklaruan para gjyqit se nuk ka asnjë arsye dhe argument ligjor që të ekstradohet haradinaj, pasi ai ka dalë i pafajshëm në Hagë në dy procese ku akuzohej për krime lufte.
Shumë qytetarë shqiptarë ndodheshin në sallë dhe jashtë saj në pritje të vendimit për bashkëatdhetarin e tyre. Haradinaj nuk ka të drjetë të dalë nga Franca deri në një vendim përfundimtar nga gjykata e cila më herët ka vendosur bllokimin e pasaportës së tij./a.m.
