Një konflikt në familje për pak është kthyer në skenë krimi. Arben Disha 44 vjeç nga Durrësi është vënë në prangat e policisë pasi kërcënoi se do të vriste me thikë nënë dhe bashkëshorten. Disha rezultpn person me precedentë penalë të mëparshëm për dhunë në familje.
44-vjeçari , pas një konflikti të çastit në banesë, ka kërcënuar dhe kanosur me thikë nënën e tij dhe bashkëshorten, shtetaset D.D. 65 vjeçe dhe L.D 38 vjeçe. Këto të fundit vuanin dhunën e familjarit të tyre prej kohësh, pasi ishin të pajisura edhe me Urdhër Mbrojtje nga Gjykata e Rrethit Gjyqësor Durrës.
Të njoftuar për ngjarjen, specialistët për Krimet në Komisariatin e Policisë Durrës mbrëmjen e së martës kanë arrestuar në flagrancë shtetasin: Arben Disha 44 vjeç, banues në Shën-Vlash, Durrës. Materialet i kaluan Prokurorisë së Rrethit Gjyqësor Durrës për veprime të mëtejshme për veprat penale” Dhunë në familje” dhe “Veprime në kundërshtim me vendimin e gjykatës.
ma.me
