Një shtetas nga Korça ka rënë në prangat e policisë ndërsa ndaj tij ka nisur hetimi për tendenca radikalizmi dhe terrorizmi.
Bëhet fjalë për Xhebrilemin Keça, 57 vjeç, i cili pak ditë më parë është kuruar edhe për probleme mendore pasi u kap nga policia me sëpatë në dorë duke kërcënuar kalimtarët.
Burime policorë thonë sot se Keça për momentin po mbahet në spitalin psikiatrik të Elbasanit, ndërsa letra që ai i ka dërguar kryeministrit nuk është zbardhur ende.
Mësohet se letra është dërguar nga Keça më datë 30 gusht ndërsa ai po hetohet edhe për nxitje të urrejtjes dhe grindjeve.
