Policia e Durrësit i ka hequr përfundimisht patentën një 25-vjeçari. I riu është kapur duke drejtuar mjetin e tij nën efektin e alkoolit, në masën 0.35 mg/l.
Po ashtu gjatë kontrollit është konstatuar se ai ka riveshur xhamat me qese të zezë edhe pse i ishte ndaluar më parë që të bënte këtë gjë.
25-vjeçari kur është ndaluar nga efektivët nuk i është bindur urdhrit të tyre dhe i ka kërcënuar ata.
Policia sqaron se në bazë të të gjitha shkeljeve të bëra nga i riu është vendosur pezullimin përfundimisht të lejes së drejtimit.
/a.r
