Në një kohë kur gjendja është tepër e tensionuar në Europë, Policia e Shtetit është vënë në gadishmëri për të mbrojtur ambasadat kryesore në vend. Pas ngjarjeve të fundit në Turqi dhe Europë, policia ka shtuar masat për rritjen e sigurisë në ambasada.
Dje, ambasadori rus Andrey Karlov në Turqi u qëllua pas shpine në një galeri arti nga polici Mevlut Mert Altintash.
Altintash u dëgjua tek bërtiste: “Mos e harroni Alepon, mos e harroni Sirinë”, pas sulmit me armë.
Po ashtu, paraditen e sotme, një person i armatosur me shotgun qëlloi 8 herë drejt ambasadës amerikane në Ankara, por pa shkaktuar viktima.
Gjatë arrestimit, agresori dëgjohej të thoshte: Mos u tallni me ne.
BW/d.i.
