Kryetari i Partisë Demokratike ka folur pasditen e së dielës në lidhej me protestën e opozitës ndaj zgjedhjes së Kryeprokurorit.
Me një gjuhë të ashpër, Lulzim Basha e cilësoi vendimin e mazhorancës si një puç kushtetues, ndërsa paralajmëroi kosto të mëdha për kryeministrin Rama.
Sipas kreut të PD, reagimi i qytetarëve deri më tani është i jashtëzakonshëm. Ai tha se Edi Rama po përpiqet të zgjedhë një Kryeprokuror politik me qëllim që t’i shërbejë fshejes së dosjeve.
“Të mbyllë dosjet e korrupsionit dhe ministrave të tij. Të ndihmojë kriminelët që kanë rënë në rrjetat e ligjit. Nesë Edi Rama ka dy qëllime. Të emërojë një kryeprokuror politik dhe duke bërë këtë emërim të pengojë apo ngadalësojë hetimet për çështjet që lidhin atë vetë me krimin. Nëse nesër Edi Rama tenton të çojë deri në fund puçin e tij kushtetues, ta dijë që kosto për të do të jetë e madhe” – tha kreu i Partisë Demokratike.
Deklaratat e Lulzim Bashës erdhën pas takimit me aleatët në selinë blu, ku në thelb ishte organizimi i protestës që pritet të mbahet paraditen e së hënës. /JavaNews/b.d
