Neim Behari, një i burgosur problematik, “i njohur” për kërcënimet terroriste nga burgu është izoluar nën regjimin e mbikëqyrjes së veçantë 41-bis për tre muaj. Vendimi është marrë nga Gjykata e Korçës, e cila ka pranuar kërkesën e Prokurorisë.
Në argumentet e Gjykatës, sipas Report tv thuhet se “veprime të tilla janë marrë në mënyrë të paramenduar përbën një sjellë stimultante, ku për shkak të adresimit të kërkesave të padrejta për transferim pavarësisht se e njeh dhe e kupton më së miri aspektin ligjor ai legjitimon në këtë mënyrë kryerjen e veprimeve në funksion të alibisë për të fyer, kërcënuar dhe aktivizuar institucionet shtetërore për njoftime të rremë bombash apo sendeve të ndaluara në burgje, ku disa prej tyre përbëjnë mirëfill vepra penale. Një dëshirë dhe një vullnet i tillë konfirmohet edhe nga fakti se me letrat me përmbajtje kërcënuese shprehet qartë që do t’i ndërmarrë këto veprime duke kërcënuar në mënyrë serioze drejtorin e Përgjithshëm të Burgjeve, Agim Ismaili dhe familjarët e tij. (…) Naim Behari ka vënë në rrezik dhe ka prishur rregullat në institucion.
Neim Behar është arrestuar 21 mars të vitit 2005-ë për një vrasje horror të taksistit, ndërsa vendimi i formës së prerë është dhënë në 21 Janar të vitit 2010, duke e dënuar 25-vjeçarin me 24 vite burg. Autori ka kërkuar ulje të dënimit me pretendimin se vuan nga probleme mendore, por kjo nuk është vlerësuar nga Gjykata. /e.s/
