Mijëra nxënës janë evakuuar nga katër shkolla në West Midlands, të Britanisë pas një kërcënimi me bombë.
Siç raportojnë mediat e huaja, telefonatat ishin bërë menjëherë pas ora 9 në mëngjes duke thënë se bombat ishin në këto hapësira.
Një nxënës 14-vjeçar, i cili ishte evakuuar nga Bristnall Hall Akademy, ka thënë për Daily Mirror se: “jemi lëshuar për në shtëpi pasi që si shkolla ime edhe të tjerat në zonën time lokale janë mbyllur për shkak të një kërcënimi me bombë. Policia kudo. Çmenduri. Çmenduri e plotë”.
“Nuk na u tha asgjë, mësuesit tanë thanë se gjithçka do të sqarohet nesër”, ka shtuar ai.
Rastin e kanë konfirmuar edhe autoritetet policore.
Sipas tyre, detektivët po hetojnë pasi në tri shkolla në Sandwell kanë marrë kërcënim me bombë këtë mëngjes. Një shkollë në Dudley gjithashtu.
“Disa institucione morën vendim të pavarur për evakuimin e studentëve. Të gjithë janë të sigurt”.
