Irani i ka kërcënuar Shtetet e Bashkuara se nëse vendosin sanksione të reja kundër tij, atëherë Republika Islamike brenda orësh do ta braktisë marrëveshjen bërthamore me fuqitë botërore, ka thënë sot presidenti i Iranit, Hassan Rouhani.
“Nëse Amerika dëshiron t’i rikthehet përvojës së vendosjes së sanksioneve, Irani natyrisht se do të rikthehet shpejt, jo brenda javës apo muajit, por brenda orëve, me kushte më të avancuara se para fillimit të negociatave,” ka thënë Rouhani në Parlamentin e Iranit.
Irani thotë se sanksionet e reja që SHBA-ja i vendosi ndaj tij e shkelin marrëveshjen e arritur në vitin 2015 me Shtetet e Bashkuara, Rusinë, Kinën dhe me tri fuqi evropiane, në të cilën u pajtua për ta pakësuar punën e vet bërthamore në shkëmbim të heqjes së shumicës së sanksioneve.
