Kryeministri Edi Rama ka folur shkurt për shkarkimin e Ilir Metës.
Përmes foltores së kuvendit, ai i është drejtuar deputetëve duke u shprehur se Presidenti i ka konsumuar të gjitha shanset e dhëna.
Fjala e plotë e Ramës në Kuvend:
Ilir Meta ka tradhëtuar misionin e presidentit të Republikës së Shqipërisë.
Ilir Meta ka poshtëruar Kushtetutën e Republikës së Shqipërisë. Ilir Meta ka shëmbur institucionin e garantit të unitetit kombëtar.
Ilir Meta ka dhunuar kufirin jetik të ndarjes së pushteteve dhe demokracinë tonë parlamentare.
Ilir Meta ka turpëruar Shqipërinë dhe popullin shqiptar në marëdhënien krejt speciale me SHBA.
Ilir Meta ka zhgarravitur fytyrën e shtetit shqiptar në marrëdhënie me përfaqësitë e bashkësisë demokratike ndërkombëtare në Shqipëri.
Ilir Meta i ka humbur plotësisht dhe përfundimisht të gjitha shanset që i janë dhënë bujarisht në mënyrë të përsëritur për t’u krthyer në binarët e arsyes morale e ligjore.
Shqipëria nuk mund ta mbajë më në kurriz Ilir Metën duke u bërë gazi i botës në sytë e miqve të saj dhe të vetë qyterarëve të saj.
Ndaj ky Parlament duhet të ushtrojë pa ngurrim vullnetin e mbi 90% të popullit shqiptar për ta shkarkuar Ilir Metën nga detyra.
Keqardhje për mikun tonë të dikurshëm Ilir, por Meta i sotshëm nuk mund të ketë kurrsesi më statuin e lartë që i ka dhënë parlamenti.
Ilir Meta ka mbaruar punë me rolin që mori nga Parlamenti dhe fjalët për të si President kanë mbaruar.
Tani të flasë parlamenti me votë.
/javanews/a.r
