Dita e sotme deri në fund të saj është karakterizuar nga moti kryesisht i kthjellët dhe vranësira kalimtare më të theksuara në relievet malore.
Temperaturat në vlerat e mesditës prekën vlerat deri në 20-21 gradë C, ndërsa era e lehtë me drejtim kryesor nga lindja, bën të ditur Shërbimi Meteorologjik Ushtarak.
Për ditën e nesërme pritet që vendi të ndikohet nga të njejtat kushte atmosferike. Moti do të jetë me kthjellime dhe alternime vranësirash kalimtare më tepër të theksuara në relievet malore. Në relievet malore të jugperëndimit do të ketë reshje të izoluara shiu.
Në fushën termike pritet një rënie në vlerat e mëngjesit nga 3 gradë C deri në 11 gradë C, ndërsa ato maksimale pritet të regjistrojnë vlerat nga 15 gradë C deri në 22 gradë C.
Era do të fryjë me drejtim Juglindje – Verilindje me shpejtësi mesatare 2-8m/sek, ndërsa përgjatë vijës bregdetare dhe zonat luginore prej orëve të pasdites erë intensive deri në 20/25m/sek, duke u shoqëruar me valëzim të forcës 4-6 ballë.
Po kështu edhe gjatë së dielës, moti parashikohet të jetë i qendrueshëm, ndaj nëse keni bërë plane për fundjavën, temperaturat do të jenë normale. /e.s/
