Në zyrë, në një qendër tregtare ose në një shëtitje me fëmijën tuaj, lodhja mund të shfaqet në momentet më të pafavorshme. Ndonjëherë lodhja shkaktohet nga stresi dhe mungesa e stërvitjes, dhe nganjëherë mund të ndjehemi të lodhur për shkak të një diete të dobët dhe mjedisit të punës.
Por kudo që të jeni dhe çfarëdo që të bëni, ka një mënyrë për të rritur energjinë tuaj pa 10 filxhanë kafe ose 10 orë gjumë. Kemi zgjedhur këto truke që rrisin energjinë për t’ju ndihmuar të luftoni lodhjen dhe rikarikoni bateritë tuaja:
Bëni një “sy gjumë” 20-minutësh
Studiuesit e gjumit besojnë se 20 minuta është koha e mjaftueshme për një sy gjumë që do t’ju bëjë të ndjeheni vigjilent dhe produktiv pasi të zgjoheni. Ndërsa një gjumë më i thellë dhe më i gjatë natën i jep trupit dhe mendjes tuaj një restaurim të plotë, një sy gjumë 20 minutësh gjatë ditës do t’ju japë më shumë energji për të vazhduar punën tuaj.
Këtu janë disa këshilla se si të shfrytëzoni sa më shumë nga gjumi juaj i energjisë:
Bëni sy gjumë në një vend të freskët, të errët dhe pa shpërqendrime;
Përdorni një maskë gjumi për të larguar dritën;
Bëni një sy gjumë një orë ose 2 pas drekës;
Rifreskoni veten me një shëtitje të shkurtër ose shpëlani fytyrën me ujë pasi të ngriheni.
Uluni drejt
Studimet kanë treguar që të ulurit në një pozicion të drejtë na ndihmojnë të luftojmë lodhjen duke rritur nivelin e oksigjenit në gjakun tonë. Teste të tjera kanë demonstruar që njerëzit që ulen drejt kanë tendencë të jenë në një gjendje shpirtërore më të mirë dhe të përjetojnë më pak emocione negative në krahasim me ata që ulen duke mbajtur shpinën e kërrusur. Ju gjithashtu mund të bëni një shtrirje të lehtë në tryezën tuaj për të përmirësuar qarkullimin e gjakut dhe për të marrë një nxitje të energjisë.
Qeshni
E qeshura ka shumë përfitime shëndetësore. Ajo ju bën më energjike dhe vigjilente. Kur qeshim, marrim frymë në ajër të pasur me oksigjen, i cili stimulon zemrën dhe muskujt tanë dhe rrit nivelin e endorfinës në gjakun tonë. Si rezultat, e qeshura na jep një rritje të vërtetë të energjisë. Kështu që, herën tjetër do të ndjeheni sikur ju janë pakësuar energjitë dhe nuk mund të vazhdoni me punën ose punët e shtëpisë, bëni një pushim për të parë ose lexuar diçka qesharake dhe qeshni.
Nuhatni aromën e kanellës
Aroma e kanellës ka një efekt të mahnitshëm në trurin e njeriut. Ajo rrit aktivitetin e trurit, lufton humbjen e kujtesës dhe tensionin nervor, gjë që na bën të mendojmë më shpejt dhe të jemi më produktivë. Aromat e tjera që mund t’ju bëjnë më vigjilent janë vajrat esencialë me limon dhe portokall, por kini kujdes: vajrat esencialë mund të shkaktojnë acarim dhe reaksione alergjike dhe duhet të trajtohen me kujdes.
Dilni në diell
Shpesh lodhemi dhe kemi marramendje kur gjendemi në vende të errëta. Errësira e shtyn trupin tonë të prodhojë më pak serotoninë, një neurotransmetues i rëndësishëm që na bën të ndjehemi të përgjumur. Hapni perdet dhe lini dritën e diellit të hyjë, ose bëni një shëtitje jashtë. Merrni frymë në ajër të pastër, shijoni rrezet e diellit dhe me siguri do të ndiheni më të lumtur dhe më energjikë.
Bëjini vetes një pije energjike
Ka shumë receta natyrale për të bërë pije energjetike të cilat mund të gjenden në internet, dhe një nga ato më të lehtat përfshin vetëm 4 përbërës: limon, xhenxhefil, mjaltë dhe ujë.
Ja çfarë duhet të bëni për të mbushur rezervat e energjisë:
Përzieni 1 lugë gjelle lëng xhenxhefili, 1 lugë gjelle lëng limoni dhe 1 lugë gjelle mjaltë; Shtoni në 1 gotë ujë të pastër dhe përziejini butësisht; Shtoni disa kube akulli nëse dëshironi që pija juaj të jetë vërtet e ftohtë.
Sipas mjekëve, dehidratimi është një nga shkaqet kryesore për lodhjen. Simptoma të tjera të dehidrimit përfshijnë dhimbje koke, marramendje dhe luhatje të humorit. Shumë prej nesh nuk marrin sasinë e nevojshme ditore të lëngjeve dhe shpesh ne arrijmë të pimë vetëm një gotë ujë kur ndjehemi shumë të etur. Kështu që, herën tjetër kur të ndjeheni të përgjumur, pini një gotë ujë dhe shihni se çfarë ndodh.
Mërmëritni melodinë tuaj të preferuar
Ashtu si një stërvitje ose një shëtitje, këndimi zgjon trurin tuaj dhe rrit rrjedhën e gjakut. Nëse ju mërmëritni një melodi të këndshme dhe që ju mbush me gëzim, kjo do t’ju bëjë të ndiheni më energjik dhe do t’ju frymëzojnë për të arritur më shumë. Për më tepër, të kënduarit është një anti-depresant i mirë natyror dhe mund t’ju largojë mendjen nga problemet e përditshme.
Provoni një masazh këmbësh që lehtëson stresin
Stresi është një nga arsyet që ndjehemi të lodhur deri në fund të ditës. Një masazh i mirë që lehtëson stresin në këmbë mund të bëjë mrekulli në trupin tuaj të lodhur. Këmbët tona përmbajnë mbi 7,000 mbaresa nervore, 19 muskuj të ndryshëm, 107 ligamente dhe 26 kocka, dhe presioni i duhur i aplikuar në zona të veçanta të këmbëve tona mund të zvogëlojë dhimbjen, stresin dhe lodhjen.
Masazhet e këmbëve zakonisht përfshijnë vetëm një fërkim të butë duke shtypur pikat e presionit për disa sekonda me gishtin e madh ose me pëllëmbët e gishtave.
Përtypni pak bajame
Bajamet janë zgjidhja perfekte si një meze e lehtë energjike në mes të ditës. Bajamet përmbajnë riboflavinë dhe L-carnitine, elementët që lidhen me rritjen e aktivitetit të trurit. Ato janë gjithashtu të pasura me magnez, mangan, bakër, dhe vitamina dhe minerale të tjera që përmirësojnë shëndetin e përgjithshëm të trupit dhe luftojnë rënien e kujtesës pas drekës.
Këto truke që rritin energjinë, kanë dëshmuar se janë mjaft efektive në shumë njerëz. Sidoqoftë, nëse ndiheni të lodhur për disa ditë rresht dhe asgjë nuk duket se ju ndihmon, është më mirë të caktoni një takim me mjekun tuaj për të përjashtuar një gjendje që shkakton lodhje. /l.m
