BE i ka kërkuar qytetarëve të saj të grumbullojnë sa të munden ushqime dhe furnizime jetike për t’i mbajtur ata të sigurt për të paktën 72 orë, nëse ndodh kriza e luftës. Paralajmërimi u bë nga Komisioni Evropian.
Viktor Orban kryeministri i Hungarisë, ka reaguar ashpër ndaj thirrjes së BE-së duke thënë se Brukseli po përgatitet për luftë dhe thirrjet duhen marrë seriozisht.
“Le të përpiqemi të kuptojmë pse po e bëjnë këtë. Unë shoh që Brukseli po përgatitet për luftë. Kështu që kjo duhet marrë seriozisht”, tha ai.
BE-ja dëshiron që çdo shtet anëtar të përgatisë komplete mbijetese në mënyrë që qytetarët të mund të përballen me çdo krizë të re që mund të lindë si pjesë e strategjisë së saj të gatishmërisë, e cila gjithashtu kërkon krijimin e një rezerve më të madhe të furnizimeve thelbësore dhe përmirësimin e bashkëpunimit civilo-ushtarak.
Orban dënoi planet në fjalimin e tij javor në radion kombëtare. Udhëheqësi hungarez tha se nuk mendonte se Evropa kërcënohej nga lufta nga jashtë dhe se luftimet në Ukrainë nuk do të arrinin në Budapest, Varshavë apo shtetet baltike, sepse askush nuk do të sulmonte një vend të NATO-s.
“Kjo duket qesharake tani, që Brukseli po u dërgon një mesazh të gjitha familjeve evropiane që të kenë ushqim të mjaftueshëm në shtëpi për 72 orë, por nëse shikoni pas tij, është shumë e tmerrshme kur shihni se çfarë kanë në mendje këta njerëz. A po bëjnë diçka?” përfundoi ai.
