Këngëtarja shqiptare e muzikës pop me rezidencë në Londër, Alisiana, ka bërë të ditur daljen e baladës së saj me titull “London Bridge”. E regjistruar në Metropolis Studios në Londër, “London Bridge” është kënga e dytë e Alisianës, gjysmëfinaliste e The Voice Of Albania. Kënga tregon aftësinë e saj në kompozim, pasi ka transformuar këngën e famshme për fëmijë “London Bridge Is Falling Down” në një baladë emocionuese.
Balada është në kontrast të fortë me këngën e saj të parë, “Just Kiss Me”, një këngë ritmike për ditët e para të rënies në dashuri, çka demonstron fleksibilitetin e saj si artiste popi. E rritur në Shqipëri, Alisiana është influencuar nga Beyoncé, Christina Aguilera dhe Britney Spears.
