Kur përmendet Bënça, mendja të shkon të burgu ku vuajti disa vite Fatos Nano. Por të apasionuarit pas këngës labe e dinë që fshati në fjalë është vendlindja e grupit të famshëm me të njëjtin emër. Dhe ky grup nuk mund të kuptohet pa Golik Ali Jaupin dhe Paron, duetin që udhëheq këngën labe.
Goliku u rikthye në ‘skenë’ pak ditë më parë, por vëmendjen e mori kryebashkiaku i Tepelenës. Kjo për shkak të një kënge kushtuar Enver Hoxhës gjatë festës së çlirimit të qytetit, ku dukej kryetari Tërmet Peçi teksa mbante iso sëbashku me dhjetëra të tjerë.
Por vetë Goliku, i ka kënduar Hoxhës dhe udhëheqësve të tjerë ndër vite. Madje në një rrëfim të dy viteve më parë, ai tregon edhe një episod të panjohur, shkruan JavaNews.al
Duke veçuar momentin më të paharruar gjatë viteve në skenë, ai tregon:
“Skena vetiu të ofron vërtet momente të veçanta dhe të paharrueshme, por koncertet me këngët me absolute dhe emocionet më të vecanta, kanë qënë ato përballë Enver Hoxhës. Veçoj këtu intepretimin e këngës “Rrofsh sa moshë e kësaj toke” këngë e cila e preku aq shumë Enverin sa e rrëzoi atë nga karrigia ku rrinte i ulur…”
Kënga në fjalë gjendet prej disa vitesh në YouTube, teksa Enver Hoxha shfaqet i përlotur gjatë interpretimit:
JavaNews.al / b.d
