Lajme të këqija për të gjithë përdoruesit e Apple që e kanë përzemër iPhone 4. Shumë shpejt ky telefon do të konsiderohet një pajisje e vjetër.
Sipas raportimeve më të fundit nga mediat për teknologjinë, ky model do t’i shtohet listës së produkteve obsole të Apple.
Gjiganti i teknologjisë, konsideron si “të vjetra” ato produkte që nuk janë prodhuar më për më shumë se 5 vjet.
Ndërsa obsole, kompania konsideron çdo gjë që nuk ka patur më vijimësi më shumë se 7 vite.
Teksa Apple ofron shërbim të kufizuar për produktet që i konsideron të vjetra, për ato që i quan obsole, nuk ofron më asnjë shërbim.
Vetë kompania shpjegon se për të gjitha këto produkte, ajo nuk ofron më asnjëlloj shërbimi dhe për këtë nuk bën përjashtime.
iPhone 4 u hodh në treg në vitin 2010 dhe u pasua nga iPhone 4S në 2011 –ën. Apple ndaloi së prodhuari iPhone 4 në vitin 2013./tvklan.al
