Kryetari i Partisë Demokratike, Lulzim Basha i ka bërë thirrje sot Prokurorisë së Posaçme që të mos intimidohet por të çojë deri në fund hetimin për aferën e inceneratorëve.
Në një konferencë për shtyp në selinë blu, Basha tha se ka informacione që prokurorëve të SPAK po u bëhet presion.
“Thirrja ime ndaj SPAK është mos u intimido nga presionet e Edi Ramës. Disa nga personat që u përmendën sot duhet ti kishit në qelitë e paraburgimit. Po ta dini që po ju vëzhgon publiku dhe partnerët”, tha Basha.
“Presioni po bëhet, disa burime duhen mbrojtur. Për një gjë të siguroj se po i bëhet presion. Ata janë zyrtarët më të mbrojtur të shtetit, kanë mbrojte të hapur nga SHBA. Po u ja edhe njëherë sot mbështetje nga PD, nga unë personalisht për ti shkuar deri në fund kësaj afere. Informacionet që ne kemi bëhet fjalë për kërcënime të të gjitha niveleve. Ndaj ashtu siç po e bëjmë ne si opozitës, si PD, ju kërkoj ta bëjë çdo gazetar për aq sa ka mundësi. Jam krejtësisht i pakënaqur me ritmin e procedimit penal”, shtoi Basha.
/b.h
