KED skualifikon për të dytën herë nga gara për në Kushtetuese, kandidatët Eugen Papandile dhe Zhaklina Peto.
Ata synonin vendin e mbetur bosh pas largimit të gjyqtarit Besnik Muçi. Papandile e Peto u rifuten në garë nga Gjykata e Apelit Administrativ që shfuqizoi vendimin e mëhershëm të KED për skualifikimin e tyre.
Në të njëjtën mbledhje KED skualifikoi nga gara kandidatin Ilir Haznedari, që kishte aplikuar për dy vende të lira në Kushtetuese.
Këshilli ndërkohë lejoi kandidimin e Aleksandër Toma dhe po ashtu, Altin Binajn, që kandidojnë për tre vende të lira. Aktualisht KED po punon për plotësimin e tre vendeve në Kushtetuese, dy të shpallura nga Presidenti i Republikës dhe një nga Kuvendi.
