Drejtoresha e News24, Anila Jole, e ka konsideruar si skenë qesharake refuzimin e kompanisë KAYO dhe policisë ushtarake për të mos lejuar gazetarët të hyjnë brenda godinës së Panorama Group, sipas vendimit të Gjykatës.
Ajo e quajti një lojë për të vonuar hapjen e sinjalit të News24, që është fikur prej mëngjesit të datës 9 Gusht.
Drejtoresha Anila Jole u shpreh se do të bëhet kallëzim në SPAK dhe polici për sjelljen e KAYO që refuzon të zbatojë ligjin.
Anila Jole: Skenë qesharake. Po bëjnë një lojë që të vonojnë faktin që News24 nuk ka sinjal, do të bëjmë kallëzim në polici dhe SPAK.
Gazetarët po presin të fillojnë punën, temperaturat janë 42 Gradë.
