Shoqëria KAYO ka publikuar sot përgjigjen për kreun e grupit mediatik Focus, Irfan Hysenbelliun.
Sipas institucionit në fjalë, presidenti i News24 dhe disa mediave të tjera ka pranuar ta dorëzojë vullnetarisht ndërtesën, mirëpo kjo nuk ka ndodhur as pas 48 orëve të afatit.
Një përgjigje, KAYO e ka edhe për pretendimet se janë grabitur dosje shumë të rëndësishme që mediat e Hysenbelliut po hetonin në lidhje me korrupsionin qeveritar dhe abuzime të tjera.
“Lirimi i ndërtesës është kryer në kushte të larta sigurie, në prani të forcave të armatosura, duke dokumentuar me procesverbal çdo send të ndodhur brenda saj. Pretendimet për fshirjen e materialeve të gazetarëve janë të pabazuara dhe të pavërteta.
Sipas shkresës “Materialet e gjetura brenda ambienteve, pas inventarizimit u dërguan pranë Rezervave të Shtetit, me adresë Rruga Bajram Tusha, pranë ish Gjykatës së Apelit, Shkozet, Durrës”
Administratori duhet të paraqitet personalisht pranë Rezervave të Shtetit si i vetmi person i autorizuar, për të marrë sa më parë sendet e gjetura dhe të inventarizuara në objekt. Kayo sh.a i ka bërë thirrje administratorit që t’i tërheqë të gjithë bazën materiale” – thotë shoqëria.
Mashtrim i pa turpshem. Kur i kishe sekret dosjet pse nuk i more nga godina apo doje te provokoje shtetin ? Ne baze te ligjit duhet te largohesh dhe te shosh ku te duash
Gjykata i dha të drejtë NEWS 24…Vendimi i gjykatës nuk diskutohet…Ardi Veliu duhet të mbajë përgjegjësi penale për gangsterizëm politik dhe kriminel ordiner i 278 punonjësve të News 24,që deshte t’u hiqte bukën e gojës..
Turp,për figurën e kryepolicit të shtetit…