Kandidati i Partisë Demokratike për kryetar bashkie në Kavajë, Engjëll Cara, zhvilloi një takim me gratë dhe vajzat sipërmarrëse.
Në këtë takim Cara u dha grave një vend të veçantë në platformën e tij. Ai theksoi rolin e rëndësishëm që gruaja ka në zhvillimin e vendit. Ndaj gruaja do të zë një pjesë të rëndësishme në administratën e nesërme. Sipas tij, pika e parë e projektit është barazia gjinore.
“Nuk mund të ketë zhvillim shoqëria, pa patur bekimin dhe mirëkuptimin e nënave dhe të grave, të cilat nga mëngjesi deri në darkë kujdesin e kanë për ne dhe unë betohem që në Bashkinë e Kavajës do të bëj në mënyrë taksative Administratën me 50% gra dhe vajza”.
Cara deklaroi që do të nxisë gratë sipërmarrëse, të hapin një biznes dhe ta zhvillojnë atë me ndihmën e Bashkisë.
