Kauza për largimin e kryeministrit Rama ka bashkuar për herë të parë në të njëjtin koalicion Vangjel Dulen e PBDNJ, përfaqësues i interesave te minoritetit grek dhe Shpëtim Idrizin e PDIU, që njihet si partia e komunitetit çam. I ftuar në A2CNN pas takimeve me delegacionin e Parlamentit Evropian, kreu i PBDNJ-së komentoi edhe këtë situatë të re në skenën politike.
“Ne nuk bashkohemi me individë, nuk jemi në opozitë sepse është PD-ja në opozitë, jemi në opozitë sepse është Edi Rama në qeverisje, që ka nëpërkëmbur çdo nocion dhe praktike të një demokracie”, deklaroi Dule.
Kujtojmë që mes Vangjel Dules dhe Shpëtim Idrizit ka pasur akuza dhe sulme të egra ndaj njëri-tjetrit, aq sa çamët ishin edhe gati ta rrihnin në Parlament Dulen. Ky i fundit madje dha dorëheqjen si nënkryetar Kuvendi dhe u largua nga koalicioni me Ramën, sapo ky i fundit pranoi në koalicionin qeverisës edhe partinë e Shpëtim Idrizit. Tashmë etja për pushtet, i ka bashkuar me njëri-tjetrin.
/a.meta
