Sot shënohet 40 vjetori i vdekjes së Mao Ce Dunit, i cili themeloi Republikën Popullore të Kinës në vitin 1949 dhe që mbretëroi pakundërshtueshëm deri në vdekjen e tij më 9 shtator 1976.
Edhe pse reputacioni i tij ra me kaosin dhe shkatërrimin gjatë Revolucionit Kulturor ultras më 1966-1976, gjenerata e ardhshme ka pranuar në përgjithësi vlerësimin zyrtar të Partisë Komuniste, sipas të cilës, ai kishte 70 për qind të drejtë dhe se 30 për qind ka mëkatuar.
Mao është edhe Lenini dhe Stalini për Partinë Komuniste të Kinës, tha për AFP politologu Frank Diketer, që merret me periudhën maoiste në Universitetin e Hong Kong.
“Ashtu si Lenini, ai solli Partinë Komuniste në pushtet. Ndërsa si Stalini ka kryer krime të tmerrshme kundër njerëzimit,” shtoi ai.
Mao është një figurë që vlerësohet ende shumë. Vendlindja e Mao Ce Dunit, fshati Xiaoshan në provincën e Hunam, vizitohet nga miliona njerëz në vit ashtu si edhe trupi i tij i balsamosur qëndron në një mauzole në sheshin Tianmen në qendër të Pekinit.
Portreti i tij është ende i varur në derën e sheshit Tianmen, ku ai shpalli krijimin e shtetit të ri komunist më 1 tetor 1949 dhe portreti i tij është ende në monedhën kineze.
Këto janë të gjitha janë shenjat që Mao Ce Dun u bë një simbol virtual i vendit, madje edhe tani kur Kina është një shtet modern industrial dhe gjithnjë e më shumë kapitalist e devijuar shumë nga idealet e vendimeve të tij radikale komuniste me idealet e barazisë.
Mao Ce Dun (1893-1976), pas më shumë se një shekull për herë të parë arriti që në të gjithë territorin kinez të vendosa nën një autoritet të vetëm dhe i ka dhënë fund luftërave civile, kryengritjeve dhe revolucioneve.
Ai arriti të fitojë mbi Guomintangun në Luftën Civile kineze dhe bëri një ndërhyrje të suksesshme kineze në Luftën e Koresë që e rriti prestigjin e shtetit të ri, përgatiti BETA. (b.an)
