Media e njohur ndërkombëtare “Guardian” shkruan se një ngjarje e rëndë ka ndodhur në Botsvana, ku më shumë se 350 elefantë kanë ndërruar jetë.
Shkencëtarët thanë se kjo ishte ndër katastrofat më të mëdha të ndodhura ndonjëherë, duke e quajtur “katastrofë konservimi”. Vdekja masive e elefantëve ka ndodhur në lokalitetin e njohur si Delta Okavango.
Burimet lokale që duan të mbeten anonime thanë se numri i elefantëve në këtë zonë thuajse është dyfishuar gjatë kohëve të fundit, shkruan javanews. Banorët shprehen se rreth 70 përqind e vdekjeve mund të kenë ndodhur për shkak të thatësirës.
Një grup elefantësh të ngordhur u raportuan për herë të parë në Deltën Okavango në fillim të majit, me 169 individë të ngordhur deri në fund të muajit.
Nga mesi i qershorit, numri ishte dyfishuar, me 70% të vdekjeve të grumbulluara rreth vrimave të ujit, sipas burimeve lokale që dëshirojnë të mbeten anonimë.
“Kjo është një humbje masive në një nivel që nuk është parë në një kohë shumë të gjatë. Jashtë thatësirës, unë nuk e di për një ngordhje si kjo kaq domethënëse“, ”, tha mes tjerash Dr Niall McCann nga Komiteti i Shpëtimit të Parkut Kombëtar të Mbretërisë së Bashkuar.
Qeveria e Botsvanas nuk ka testuar ende mostra, kështu që nuk ka informacion se kush e ka shkaktuar vdekjen ose nëse këto monstra mund të paraqesin rrezik për shëndetin e njeriut, raporton javanews. Dy mundësitë kryesore janë helmimi ose një patogjen i panjohur.
“Nëse shikoni kufomat, disa prej tyre kanë rënë drejt e në fytyrë, duke treguar që ata ngordhën shumë shpejt. Të tjerët padyshim që vdesin më ngadalë, si ato që enden përreth. Prandaj është shumë e vështirë të thuash se çfarë është kjo toksinë, “tha McCann.
Antraaksi – i konsideruar fillimisht shkaku më i mundshëm – është përjashtuar. Kjo është një ngjarje tragjike dhe misterioze. Covid-19 është përmendur si një shkak i mundshëm, por konsiderohet i pamundur. Gjithësesi krahas autoriteteve, në hetime janë përfshirë një sërë organizatash, përfshirë edhe ato shëndetësore.
/a.r
