Pavarësisht bllokadës nga 6 vende të Gjirit ndaj Katarit, ky i fundit nuk do të ndërpresë furnizimin me gazë për Emiratet e Bashkuara Arabe, i tha Al Jazeera, shefi ekzekutiv i Qatar Petroleum, Saad Sherida al-Kaabi.
Me anë të marrëveshjes midis dy vendeve, Katari pompon rreth 57 milion metra kub gaz çdo ditë në Emiratet e Bashkuara.
“Rrethimi që ne kemi është një “forcë madhore” (rast i jashtëzakonshëm), dhe ne mund ta mbyllim tubacionin e gazit në Emiratet e Bashkuara Arabe,” tha al-Kaabi, duke shtuar “por nëse e presim gazin, kjo dëmton shumë Emiratet e Bashkuara Arabe dhe njerëzit e Emirateve të Bashkuara Arabe, të cilët i konsiderojmë si vëllezër. Ne vendosëm të mos e presim gazin tani”, tha ai.
Tubacioni Dolphin prej 364 kilometrash lidh Katarin me Emiratet e Bashkuara Arabe dhe Omanin dhe ishte projekti i parë i gazit ndërkufitar në rajonin e Gjirit.
Analistët thonë se edhe një mbyllje e pjesshme e gazsjellësit do të shkaktonte ndërprerje të mëdha për nevojat energjetike të Emirateve të Bashkuara Arabe dhe do të detyronte vendin të kërkonte furnizime zëvendësuese të gazit të lëngshëm, përgatiti Koha.
Të dielën, shefi ekzekutiv i Naftës Kombëtare të Sharjahut në Emiratet e Bashkuara Arabe tha se nuk priste që gazin natyror nga Katari të ndërpritet nga përçarja diplomatike rajonale. (b.an)
