Gjyqi ndaj Kastriot Ismailajt duket se po shkon drejt një kalvari të njëjtë me procesin e zhvilluar ndaj Dritan Dajtit, vite më parë në Gjykatën e Krimeve të Rënda.
Seanca e sotme ka dështuar sërish, pasi avokati i Ismailjat, Alban Qafa ka braktisur sallën e gjyqit, kur pritej të lexohej dëshmia e Elvis Matës, ish-drejtorit ekzekutiv të DIA-s, e konsideruar si prova më kryesore në procesin kundër Ismailajt.
Trupi gjykues është detyruar të caktojë një avokat shteti për Ismailajn, por largimi i avokatit Qafa ngjan me strategjinë e Dritan Dajtit për të shtyrë procesin.
Duket se Kastriot Ismailaj po përdor të gjitha mundësitë proceduriale që gjykata të mos marrë si provë dëshminë e Elvis Matës, i cili është zhdukur që nga momenti që ka dhënë dëshminë kundër Ismailajt.
Sipas Ismailajt, dëshmia e Matës është përdorur më parë nga OSHEE-ja gjatë procesit të arbitrazhit mes DIA-s dhe OSHEE-së dhe si e tillë nuk mund të përdoret në procesin penal.
BW/d.i.