Apple ka zbuluar një kasë të re inteligjente për iPhone 6 dhe iPhone 6s. Kasa, e cila kushton 100 dollarë, do t’i sigurojë telefonit 25 orë më shumë bateri.
Kasa e re është dizajnuar dhe projektuar nga Apple posaçërisht për iPhone 6 dhe iPhone 6s. Pajisja është mbështjellë me silikon, kështu është më i fortë se materiali i zakonshëm prej alumini dhe xhami, ndërsa në brendësi është veshur me mikrofibër, kështu telefoni nuk do të gërvishtet.
Në qendër të kasës gjendet një bateri e cila do të zgjasë për 25 orë bisedë ose mbi 18 orë internet me rrjetin LTE. Kasa mund të porositet në ngjyrë të bardhë dhe të zezë. Ajo kushton 100 dollarë.
