Imazhi i një gruaje, do të jetë në monedhen amerikane 10 dollarëshe, brenda vitit 2020. Sekretari i Thesarit, Xhek Leu, e pohoi nje gjë të tille, pas peticioneve, që kartemonedha amerikane të merrte pamje gruaje.
Viti 2020, përkon me 100 vjetorin e amendamentit të 19-të të Kushtetutes, i cili u dha grave të drejtën e votës.
Në një faqe interneti do të mund të votohet për kandidaten. Deri tani në tre vendet e para janë Araminta Herriet Ros, aktiviste me ngjyrë për të drejtat e afro-amerikanëve, Eleanor Ruzvelt dhe Roza Parks, aktiviste për të drejtat civile dhe simbole të emancipimit te komunitetin afro-amerikan.
