Kryeministri Edi rama i është përgjigjur me batutë kërkesës së opozitës për qeveri teknike. Ai ishte sërish sot për të drekuar në një familje, këtë herë në banesën e Sadri Gjokës në Kukës ku çoi edhe lejen e legalizimit.
Ai ka thënë se posti i kryeministrit është përgjegjësi.
“Atë karrige nuk ma ka dhënë as nëna ime, Aneta, as nuk e gjeta në rrugë. Si u lëshoka përgjegjësia se del tjetri aty, është pakuptim.
Fitorja nuk na duhet për vete, por për të dërguar deri në fund reformat që kemi nisur” u shpreh Rama.
Gjatë bisedës në familjen Gjoka nuk kanë munguar batutat. “Gëzuar dhe shëndet, por jo alkool, më mirë të jemi të kthjellët, ja me mirë me pije freskuese” u shpreh Rama.
