Sulmuesi italian Mario Balotelli, i cili ka patur një karrierë sportive me luhatje, mund të “shpëtohet” nga Igli Tare.
Drjetori sportiv i Lazios po tenton të transferojë sulmuesin në “Olimpico”, edhe pse ai po kalon momente të vështira në karrierë, pasi nuk e dëshiron më asnjë klub.
Sipas “Sport Mediaset”, i vetmi aspekt që e ndan Balon nga Lazio është ai financiar, pasi kërkesat e sulmuesit janë të larta.
Ditët në vijim do të jenë vendimtare për të ardhmen e Balotellit, i cili nuk po dëshirohet as nga klubi aktual, Liverpool.
Një armë plus për transfermin e Balotellit te Lazio, është miqësia e agjentit të italianit me Igli Taren..noa.al/a.k
