Protagonist i Karikaturës së Ditës të Goal.com për ditën e enjte është ish-mesfushori legjendar i Chelseat dhe tani trajner i Derby Countyt, Frank Lampard, i cili u kthye në Stamford Bridge dhe u mirëprit nga tifozët dhe ish-bashkëlojtarët e tij. Lampardi kishte qenë lojtar i Chelseat për gjithsej 13 sezone, nga viti 2001 deri në vitin 2014.
Gjatë këtyre viteve, ai i bëri 429 paraqitje dhe i shënoi 147 gola për të kaltrit, duke e fituar kështu mbështetjen e tifozëve, transmeton Gazeta Express. Megjithatë, në vitin 2014 ai vendosi t’i bashkohej rivalëve të klubit të tij, Manchester Cityt, dhe vetëm një vit më vonë, ai e vazhdoi karrierën e tij me klubin amerikan Neë York City në Major League Soccer (MLS).
Këtë vit, ai e ka filluar karrierën e tij si trajner me Derby Countyn. Skuadra e tij është duke triumfuar në Championship, nivelin e dytë të futbollit në Angli, si dhe sapo e kishte mposhtur Manchester Unitedin e Jose Mourinhos në Old Trafford.
Pasi e eliminoi Manchester Unitedit, Lampard u përballë me një detyrë edhe më të vështirë. Ai luajti mbrëmë kundër ish-klubit të tij, ndeshje kjo të cilën e humbi me rezultat 3-2. Dy autogolat e lojtarëve të Lampardit ia siguruan Chelseat vendin në fazën tjetër të Carabao Cup.
Në këtë ndeshje, tifozët dhe ish-bashkëlojtarët e tij në Chelsea e mirëpritën Lampardin në kthimin e tij në Stamford Bridge, katër vite pasi ishe larguar si futbollist. Madje, tifozët e brohoritën disa herë gjatë ndeshjes emrin e tij. “Derby County i Frank Lampardit mund të jetë mposhtur në Stamford Bridge, por ikona e të kaltërve u përmbyt nga brohoritjet dhe duartrokitjet gjatë disfatës me rezultat 3-2”, shkruan Goal.com në mbishkrimin e karikaturës, përgatiti ”Gazeta Express”. (B.an)
