Fluks pacientësh në repartin e kardiologjisë në Kukës, pak pas inaugurimit nga Ministri i Shëndetësisë Ilir Beqaj.
Sipas mjekëve kardiologë, të sëmurët të cilët ishin planifikuar për të bërë kontrolle në muajin qershor pranë Qendrës Spitalore Nënë Tereza, i janë drejtuar për trajtim të specializuar Spitalit Rajonal të Kukësit.
“Që ditën e parë po përballojmë 5 prova ushtrimore kur në ditë duhet të përballohen 6 prova” – thotë për OraNews mjeku Edvin kovaçi .
Pacientët të ardhur dhe nga Hasi e Tropoja, që më parë ishin të detyruar ti drejtoheshin Tiranës për kontrolle, me hapjen e kabinetit të kardiologjisë thonë se u ulen shpenzimet.
Vënia në funksion e kabinetit të Kardiologjisë me parametra si në QSUT u mundësua falë investimit 6 milionë lekë të Ministrisë së Shëndetësisë.
