Kleriku më i lartë katolik i Francës, Kardinali Philippe Barbarin, i është dhënë një dënim gjashtëmujor për rolin e tij për mbulimin e abuzimit seksual të të miturve.
Kardinali Barbarin u gjet fajtor për mos raportimin e akuzave për sulme nga një prift në vitet 1980 dhe 1990.
Ai mohoi akuzat dhe avokatët e tij thanë se do të apelojë vendimin e gjykimit.
Dënimi i Kardinalit Barbarin vjen pasi Kisha Katolike përballet me një valë të re skandalesh abuzimi.
Gjatë gjykimit, ai i tha gjykatës se: “Unë nuk e shoh veten fajtor. Nuk u përpoqa kurrë të fshihem, e lëre të mbulojë këto fakte të tmerrshme”.
Kardinali Barbarin, i cili mban postin e Kryepeshkopit të Lionit, nuk ishte në gjykatë gjatë vendimit.
Pretendimet lidhen me abuzimin e pretenduar nga prifti Bernard Preynat, i cili tani është 73 vjeç. Dhjetra burra thonë se i ka keqtrajtuar ata kur ishin fëmijë.
Ati Preynat udhëhoqi një grup fëmijësh për shumë vite, gjatë së cilës dyshohet se ndodhën disa nga abuzimet.
Kardinali Barbarin i tha gjykatës se ishte njohur për këto “thashetheme” që i quajti nga viti 2010.
Por më shumë u njoh me skandalin e abuzimit pas një bisede me një nga viktimat në vitin 2014. Ai e njoftoi Vatikanin lidhur me akuzat dhe e largoi Atin Preynat nga pozicioni i tij një vit më vonë por asnjëherë nuk informoi policinë, shkruan BBC.
Akuzat u bënë publike në 2015 dhe tani janë subjekt i një filmi me titull “Hiri i Zotit”, i cili u shfaq muajin e kaluar pas një beteje ligjore.
