Një shqiptar që prej kohësh jetonte në Torino ka rënë në prangat e karabinierëve. Sipas mediave vendase mësohet se 40-vjeçari është arrestuar mëngjesin e kësaj të marte pranë banesës së tij.
Policia prej kohësh e kishte në vëzhgim shqiptarin dhe e kishte parë teksa shiste kokainë në disa zona të qytetit.
Këtë të martë efektivët vendosën që të ndërhynin dhe e kapën atë teksa po futej në banesën e tij në Torino. Ai ishte ndjekur gjatë gjithë kohës dhe policët e kishin parë duke i shitur kokainën një klienti.
Pas arrestimit karabinierët zhvilluan dhe një kontroll në banesën e tij dhe i sekuestruan 135 gram kokainë, material për paketimin e drogës dhe 3,300 Euro të cilat dyshohet se janë krijuar nga aktiviteti kriminal.
